《女人有一種友誼叫八婆》
有時候見到啲人話，係朋友既就咁咁咁幫佢。
我見到只能夠一笑置之。
女人既真友誼（我自己係咁喇下）唔係用傳教式去指引佢，若果你同一個朋友溝通用呢種方式既話只可以話你地真係friend極有限。
對住自己條八婆，係唔需要亦都唔會咁禮貌的。見到佢做左啲仆街野，咪直接話
「妖，八婆你咪咁on9喇。」
通常佢都會比個反白眼同黑面你，然後無啦啦傻笑。
感情煩惱又點呢？咪又係
「咁既仆街男人分手囉。」
通常佢會聽完之後覺得好爽，同你數臭完個男人之後都係無分手。
反而真友誼嘈交又唔係嘈交嫁喎，至少我同我條八婆係未嘈過既，嘴炮就經常嫁喇。
仲有，當你買淘寶比佢知既時候，你會後悔
「唉，又買左成千蚊淘寶野。」
「你覺得邊件好睇啲？」比link
「個件。」
「咁呀，幫我買呢件呢件同呢件。」
心諗。。。。都估到你喇八婆！
兩個firend既女人多數都係一個火爆一個斯文（表面上），但一拍埋一齊都唔知係咪食錯野咁，好似周星馳電影入面個包租婆上身咁火爆，粗口橫飛，一係唔爆一爆就爆曬半年花生一輪嘴咁講。
總之呢，女人既友誼進化到一個地步係，
無論佢岩定錯，一定企係佢個邊，
就算幾個月無見，都唔會變，因為你都係見到佢吉起個囉柚就知佢想點。
咁話明八婆，就自然成日講八婆野喇，
八婆野唔係剩係是非呀，係你個堆發達夢，有個肯陪你FF既女人幾好，至少到你真係發達既時候你係會想分享比佢。
#八婆 #咁中意買淘寶 #配翻張圖再po過
#小月隨心寫
Search